შემოგთავაზებთ თხელი, ნაზი, ჰაეროვანი და გემრიელი ბლინების რეცეპტს.
მოსამზადებლად დაგჭირდებათ შემდეგი ინგრედიენტები:
- ადუღებული წყალი 1,5 ჩ. ჭ.
- რძე 1,5 ჩ. ჭ.
- კვერცხი 2 ცალი
- ფქვილი 1,5 ჩ. ჭ.
- კარაქი ერთ-ნახევარი ს. კ.
- შაქარი ერთ-ნახევარი ს. კ.
- მარილი ნახევარი ჩ. კ.
- ვანილი
მომზადების წესი:
- კვერცხი და შაქარი ათქვიფეთ, დაამატეთ მარილი და ვანილი. ნაწილ-ნაწილ შეურიეთ ჯერ რძე, შემდეგ_ ფქვილი.
- კარაქი გაადნეთ და დაამატეთ მიღებულ ცომს. ბოლოს ამატებთ ცოტა-ცოტა მდუღარეს და თან ურევთ განუწყვეტლივ.
- მზა ცომი დაასვენეთ ცოტა ხანს და შემდეგ, ჩვეულებრივი წესის მიხედვით, დაიწყეთ გამოცხობა.
- ტაფას წაუსვით ცოტა ზეთი და ცომი თხელ ფენად დაასხით. აცხობთ 1-2 წუთი და შემდეგ გადააბრუნეთ.
თხელ, ჰაეროვან და ნაზ ბლინებს შეგიძლიათ მოაყაროთ შაქარი ან მიირთვათ ჯემით, თაფლით, არაჟნით.
მოამზადეთ თხელი და ჰაეროვანი ბლინები და გაახარეთ თქვენი საყვარელი ადამიანები. გემრიელად მიირთვით!
