შემოგთავაზებთ უგემრიელესი და ჰაეროვანი კრემის რეცეპტს, რომელიც გემოთი და სტრუქტურით ძალიან ჰგავს ნაყინს. უმარტივესად მოსამზადებელი კრემი გამოყენებამდე რამდენიმე საათით ადრე აუცილებლად შედეთ მაცივარში.
კრემის მოსამზადებლად დაგჭირდებათ შემდეგი ინგრედიენტები:
- არაჟანი (20%-იანი ცხიმიანობის) 500 გრ
- შაქარი 180 გრ
- 1 ცალი საშუალო ლიმონის ცედრა (აიღეთ მხოლოდ ყვითელი ფენა)
- კვერცხი 2 ცალი
- ფქვილი 3 ს. კ.
- კარაქი (ოთახის ტემპერატურის) 250 გრ
- ვანილი 2 გრ
მომზადების წესი:
- არაჟანი, კვერცხი, ლიმონის ცედრა, შაქარი და ფქვილი აურიეთ.
- დადგით ორთქლის აბაზანაზე, ურევთ განუწყვეტლივ და ადუღეთ გასქელებამდე.
- მზა კრემი გააგრილეთ.
- ოთახის ტემპერატურის კარაქს დაამატეთ ვანილი და კარგად ათქვიფეთ მიქსერის მაქსიმალურ სიჩქარეზე.
- შემდეგ ნაწილ-ნაწილ შეათქვიფეთ მზა კრემი.
უგემრიელესი და ჰაეროვანი კრემი შეგიძლიათ ნებისმიერი დესერტის მოსამზადებლად გამოიყენოთ.
გემრიელად მიირთვით!
