ინგრედიენტების ისეთი კომბინაცია, როგორიცაა_ ქლიავი, არაჟანი და თხილი დაუჯერებლად გემრიელია.
ცომის მოსამზადებლად დაგჭირდებათ შემდეგი ინგრედიენტები:
- ფქვილი 200 გრ
- კარაქი 100 გრ
- წყალი 6 ს. კ.
შიგთავსის მოსამზადებლად დაგჭირდებათ შემდეგი ინგრედიენტები:
- არაჟანი 350 გრ
- შავი ქლიავი 250 გრ
- ნიგოზი 100 გრ
- მუქი ჩაი 200 მლ
- შაქარი 70 გრ
- ვანილი
- ფქვილი 40 გრ
მომზადების წესი:
შავ ქლიავს ამოაცალეთ კურკა, დაასხით მუქი ჩაი (თბილი) და გააჩერეთ 4 საათი. შემდეგ ქლიავი დაყარეთ საწურზე და ნიგვზით ამოავსეთ.
ამზადებთ ცომს:
- გაცრილ ფქვილს ჩაახეხეთ კარაქი და ხელით სწრაფად აურიეთ.
- შემდეგ დაამატეთ წყალი და მოზილეთ ცომი.
- დაგჭირდებათ 23 სმ დიამეტრის საცხობი ფორმა. ყალიბს წაუსვით ცხიმი და მზა ცომი თანაბრად გაანაწილეთ. ცომი ამოიტანეთ ფორმის კედლებზეც. გვერდების სიმაღლე უნდა იყოს 3 სმ. გადააფარეთ საკვების ცელოფანი და 30 წუთით შედეთ მაცივარში.
- ფორმა გამოიღეთ მაცივრიდან. ცომი ჩანგლით დაჩხვლიტეთ, ზემოდან დააფარეთ საცხობი ქაღალდი და სიმძიმისთვის დააყარეთ ხმელი ლობიო.
- ღუმელი გააცხელეთ 180 გრადუს ტემპერატურაზე. ღვეზელს გამოსაცხობად დასჭირდება 15-20 წუთი.
- მზა ბისკვიტიდან აიღეთ ქაღალდი და ცომზე ქლიავი, ერთ ფენად, თანაბრად გაანაწილეთ.
ამზადებთ შიგთავსს:
არაჟანს დაამატეთ შაქარი, ვანილი, ფქვილი და აურიეთ ისე, რომ მიიღოთ ერთგვაროვანი მასა. მომზადებული მასა ქლიავზე თანაბრად გაანაწილეთ და ღვეზელი შიგთავსის შესქელებამდე კვლავ შედეთ ღუმელში.
გემრიელად მიირთვით!
