ლავანდის ზეთს კოსმეტიკური და სამედიცინო მიზნით ჯერ კიდევ ძველ ეგვიპტეში იყენებდნენ. ლეგენდის თანახმად, კლეოპატრას სილამაზის საიდუმლო სწორედ ეს საშუალება იყო. ერთ დროს მის ყვავილებს ფულის ნაცვლადაც კი იყენებდნენ.

ლავანდის ზეთის თვისებები

ლავანდის ზეთი პოპულარული მისი უნიკალური თვისებების წყალობით გახდა. მისი თვისებებია:

• გაწმენდა
• ქერტლის მოშორება
• შეხორცება
• სისხლის მიმოქცევის გაუმჯობესება

ლავანდას გაცილებით ბევრი თვისება გააჩნია, მაგრამ ზემოთ მოცემული თვისებები ყველაზე უფრო მნიშვნელოვანია.

გაწმენდა

ზეთი ბაქტერიოციდულ ნივთიერებებსა და ნაერთებს შეიცავს. მასზე დაფუძნებული ნიღაბი თმას და თავის კანს წმენდს. მეთოდი მომავალი დაბინძურებისგანაც დაგიცავთ.

ქერტლის თავიდან მოშორება

ქერტლის გაჩენის ბევრი მიზეზი არსებობს. ხშირად ეს პრობლემა თავის კანის სოკოვანი დაზიანების ფონზე ვითარდება. ზეთი დაავადების განვითარებას აფერხებს, რაც მის გარეგნულ გამოვლენასაც აქრობს.

შეხორცება

ლავანდის ზეთს უნიკალური თერაპევტული თვისება გააჩნია. ის დაზიანების სწრაფ შეხორცებას ხელს უწყობს. უჯრედების აღდგენა ძლიერდება.

სისხლის მიმოქცევის გაუმჯობესება

ლავანდის ზეთზე დაფუძნებული ნიღბების რეგულარული გამოყენება თავის კანზე სისხლის მიმოქცევას აძლიერებს. შედეგი ცხადია. თმის ბოლქვები უფრო მეტ მკვებავ ნივთიერებებს და ნაერთებს იღებენ. თმა უფრო ჯანსაღი და ხავერდოვანი იზრდება.

თმის მოვლის საშუალებები: რამდენიმე ვარიანტი

კოსმეტოლოგები სამი ტიპის თმას გამოყოფენ. თითოეულს განსაკუთრებული მიდგომა სჭირდება. ლავანდის ზეთზე დაფუძნებული ნიღბები შეგიძლიათ შემდეგი თმის ტიპისთვის მოამზადოთ:

ცხიმიანი თმა

ნორმალური თმა

მშრალი თმა

ლავანდის ზეთის გამოყენებას გარკვეული შეზღუდვა აქვს. მაგალითად, ორსული ქალებისთვის, ჰიპერტონიკებისთვის და მაღალი მგრძნობელობის მქონე ქალებისთვის ამ კოსმეტიკური საშუალების გამოყენება არ შეიძლება.

ცხიმიანი თმა

ამ შემთხვევაში ლავანდის ზეთი თავის კანზე ცხიმოვანი ჯირკვლების წარმოებას არეგულირებს და თმაზე სპეციფიკური ბზინვარების გაჩენას თავიდან აგაცილებთ. ამასთან თმის ზედაპირის გამოშრობის რისკი გამორიცხულია. რეცეპტი საკმაოდ მარტივია. 1 ს/კ თხევადი თაფლი რამდენიმე წვეთ ლავანდის ზეთს აურიეთ. მიღებული მასა თმის მთელ სიგრძეზე წაისვით და 30 წუთით გაიჩერეთ. შემდეგ თბილი წყლით ჩამოიბანეთ.

ნორმალური თმა

ამ ზეთზე დაფუძნებული სამკურნალო ნიღაბი თმას აძლიერებს და მის მტვრევადობას და ცვენას ამცირებს. ნიღბის მოსამზადებლად 3 ს/კ ჟოჟობას ზეთი 3 წვეთ ლავანდის და როზმარინის ზეთს აურიეთ. ნარევი თმაზე 15 წუთით გაიჩერეთ. შემდეგ თბილი წყლით ჩამოიბანეთ და თავი შამპუნით დაიბანეთ.

მშრალი თმა

აქ კოსმეტიკური საშუალების ამოცანა განსხვავებულია. მისი მთავარი მიზანი თმის გამოკვებაა. ამისთვის 20 გრ თაფლს და ამდენივე ზეითუნის ზეთს, 5 გრ ალოეს წვენს და 5 წვეთ ლავანდის ზეთს უმატებენ. ნარევი კვირაში მაქსიმუმ 2-ჯერ გამოიყენეთ.

დასკვნა

ეთერზეთი სახლის კოსმეტოლოგიაში იდეალური საშუალებაა. ამასთან მათ მიერ ჩატარებული პროცედურები სალონურ მეთოდებს არაფრით ჩამოუვარდება. თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.