ცნობილი ათლეტი 5 წუთიან ეფექტურ და მარტივ ვარჯიშის სისტემას გვიზიარებს

926

დღიური ვარჯიშის ეს 5 წუთიანი სისტემა, რომელიც ბიოლოგის და ათლეტის ჯეი მიულერის მიერაა გამოგონებული, დაგეხმარებათ სხეულის იდეალური ფორმების მიღებაში. რაც მთავარია, მისი შესრულება შეგიძლიათ სახლში, ოფისში, სანაპიროზე და ა.შ

წელის გვერდითი გადახრები

  1. დადგით ფეხები ერთმანეთთან ახლოს, შეკარით მუშტები და გადახარეთ წელი გვერდებზე. მარჯვნივ გადახრისას მოხარეთ მარცხენა ხელის იდაყვი და აწიეთ მაღლა.
  2. გაიმეორეთ იგივე გვერდებზე გაშლილი ხელებით, შემდეგ მაღლა აწეული ხელებით, თითების გადაჯვარედინებასთან ერთად..
  3. გაიმეორეთ იგივე პროცესი ფეხების მხრების სიგანეზე დადგმით.

ფეხების სწრაფი მოძრაობა

  1. სწრაფად აწიეთ და დაწიეთ მარჯვენა ფეხი, შემდეგ მარცხენა. გააგრძელეთ მსგავსი ვარჯიში მუხლების მოხრით და მკერდამდე რაც შეიძლება მაღლა აწევით, წინ გადახრის გარეშე.
  2. გაწიეთ მარჯვენა ფეხი უკან. შეანაცვლეთ ფეხები. გაიმეორეთ. ყოველ ჯერზე ეცადეთ თქვენს უკანა ნაწილს დაარტყათ ქუსლი. ფეხის ზედა ნაწილი უნდა შეინარჩუნოთ უძრავ ვერტიკალურ მდგომარეობაში.
  3. შესუნთქვისას გაიქნიეთ ერთი ფეხი სწრაფად და ძლერად. შემდეგ ამოსუნთქვაზე გააკეთეთ იგივე მეორე ფეხით. ეს მოქმედებები უნდა გავდეს ფეხით ბურთის დარტყმას.

ნელი ღრმა ჩაჯდომები

  1. დადგით ფეხები ფართოდ და ჩამოუშვით ხელები დაბლა. ნელა აწიეთ მკლავები იქამდე, სანამ ისინი მხრების დონეს არ გაუთანაბრდება და ჩაწიეთ საჯდომი დაბლა. ამ აქტივობისას ქუსლები არ უნდა მოშორდეს იატაკს.
  2. შეასრულეთ ღრმა შეუჩერებელი ჩაჯდომა ისე, რომ თქვენი ქუსლები იყოს შეტყუპებული და აწეული იატაკიდან.
  3. კვლავ ჩაჯექით შეუჩერებლად, ცალ ფეხზე დადგომით. გააგრძელეთ ეს აქტივობა ფეხების ჩანაცვლებით და მათი ერთმანეთის პარალელურად შენარჩუნებით.